الشاعر - عمر بن عبدالعزيز الشعشعي .

ما هيه غريبة لو جفوك المحبين 

صار الوفاء بالناس قصة قديمة

بعض البشر يسوى بقدره ملايين

وأصحاب بالمليون من دون قيمة

وقت الرخى والعز سوق المزايين

اما بوقت الكايدة ما تضيمه

ياسيدي ما أصعب جفاة القريبين

لو صار لحم ودم مافيه شيمة

بعض الجفاء نعمة لبعض العزيزين 

أفضل يبوح السر في كل خيمة

قم يالكفو وانفض غبار المقفين

ربك كريم يجزي النوايا السليمة

وأقبل على شرواك تلقى ملبين

قلة من العالم تزيل السقيمة .